Mensch sein

Mensch sein, wie geht des? Konn ma dos irgendana sogn. I hob unendlich vüle Frogn

Wievül muaß ma wem von wos gebn?
Is irgendwem amol wos recht?
Bin i zvül, bin i zwenig, zlaut oda zstüll
zgroß oda zklan, zlongsom oda zschnöll?

Wie is des gmant mitn Lebn, mitn sein, mitn Sinn?
Mitn wochsn, mitn lernen, Kinda kriagn?
Wos is richtig, folsch, guat oda schlecht?
Is des wirklich wos i wül, wos i man, wos i mecht?

Mensch sein, wie geht des? Konn ma dos irgendana sogn. I hob unendlich vüle Frogn

Khea i hea wo i bin, soll i bleibn, soll i gehen?
Muass es immer wehtuan, bleibt a wos bestehn?
Geht’s a besser, leichter, onders - oba wie ?
Schau i zua, soll i mi weahn, I kapier des nie

 Wie is des gmant mitn Lebn, mitn sein, mitn Sinn?
 Mitn wochsn, mitn lernen, Kinda kriagn?
 Wos is richtig, folsch, guat oda schlecht?
 Is des wirklich wos i wül, wos i man, wos i mecht?

Mensch sein, wie geht des? Konn ma dos irgendana sogn? I hob unendlich vüle Frogn

Unser Leben is die Ontwort auf die gonzn Frogn 
mit ollem wos ma tuan, wos ma sogn, 
mit ollem wos ma san, wos ma gebn, 
wos ma nehman, lossn, wolln oda segn 

wie ma lochn, wie ma plean, wos ma redn, wos ma gspian 
denkn, tuan, reagiern 
Unser Leben is die Ontwort auf die gonzn Frogn 
mit ollem wos ma tuan, wos ma sogn, Mensch sein 


Tomma so

Gestern hob i di gsegn und mi gfrogt

wie`s amol woa mit uns zwa.

für an moment hob i vergessn, wos passiert is

für an moment ka Schmerz, ka Ongst und ka Gfoah

Tuama so als warat nix passiert

Olles is so, wies früher woa

I tua so, als kennat i di gspian 

du streichst ma mit di Finga durchs Hoa

Tomma so, als warat ma noch zsomm

tomma so, als hätt ma uns noch gern 

tomma so als nammatast mei Hond

olles, wos ma sogn, woll ma hearn

 Tuama so als namatast, als kennat ma

 warat ma, gspirat ma, als tonzat ma

 als fongat ma noch amol von vuane on,

 als sangast gern, als gangast gern mit mir

 durchn Tog, durch die Nocht

 die Gedonkn und die Tram und I tram, I tram ….....

Tuama so als warat nix passiert

Olles is so, wies früher woa

I tua so, als kennat i di gspian 

du streichst ma mit di Finga durchs Hoa

Dei Stimm rinnt wieda gonz tiaf in mi

und streichelt innen drinnen mei Herz

I konn mi neamma weahn und i vasink

in deine Augn und verlier mi in dir

 Tuama so als namatast, als kennat ma

 warat ma, gspirat ma, als tonzat ma

 als fongat ma noch amol von vuane on

 als sangast gern, als gangast gern mit mir

 durchn Tog, durch die Nocht

 die Gedonkn und die Tram und I tram, I tram ….......

1000 Gedonkn 

Deine Finger tippen auf und ob, 

deine Augn rolln hin und her. 

Es is egal, wos i dazöhl, 

du hearst mi nimmermehr. 

Du sogst: mh mh mh mh, aha aha ahaaa, mh mh mh mh, ahaaa. 

Es is olles guat, es is olls ok, 

i moch ma kane Suagn. 

Oba wenn`s noch long so weitageht 

muass i mi wos frogn: 

Wos tua i do? Wos soll i do? 

A weat dos noch wos wean? 

Wos muass passiern, doss mia zwa heit 

noch zommankumman wean? 

So weit weg von mir, 1000 Gedonkn weit weit weg von mir 

Dei Kopf is voll, deine Augn san leer, 

bist irgendwie nit do. 

Dei Hond auf meiner is so schwer. 

I frog mi wieso. 

Du sogst: mh mh mh mh, aha aha ahaaa, mh mh mh mh, ahaaa. 

I loss di gehen, I loss di ziagn, 

nur so kummst vielleicht Ham. 

Du brauchst dei eignes Stickl Leben. 

Nit nur zomm sondern a allan. 

So weit weg von mir, 1000 Gedonkn weit weit weg von mir 

Dei Kopf is voll, deine Augn san leer, 

bist irgendwie nit do. 

Dei Hond auf meiner is so schwer. 

I frog mi wieso? 

Du sogst: mh mh mh mh, aha aha ahaaa, mh mh mh mh, ahaaa. 

I loss di gehen, I loss di ziagn, 

nur so kummst vielleicht Ham. 

Du brauchst dei eignes Stickl Leben. 

Nit nur zomm sondern a allan. 

So weit weg von mir, 1000 Gedonkn weit weit weg von mir